skip navigation

Campeonato ABBA 2017 ta dedica na Franklin Danies

By ABBA Media, 09/05/17, 8:15AM ADT

Share

Franklin Danies naci 21-11-1968, lanta y biba den e Bario di T.L

Franklin Danies naci 21-11-1968, lanta y biba den e Bario di T.L

Mi Biografia/Trayectoria di Baseball na Aruba y International
Mi a cuminsa hunga baseball na edad di ongeveer 6/ 7 aña den cunuco banda di kas mes na Tanki Leendert,hunto cu mi Mama, Ruman, primo,primanan y Tantanan y conocirnan.
Despues mi a haya chens di bai cu Omo wak mi primo “Tico” train baseball little league cu NUTRICIA na aruba juniors. Di eynan mi Carera /Trayectoria a cuminsa te dia di awe.
Mi a cuminsa oficialmente cu 9 aña (1977/1978) cu e Team di “Nutricia” bow di maneho di den feliz memoria Boysi Croes y Henry Apache Barrera tawata mi coach,eynan mi a hunga te cu mi 12/13 anja, mi ta korda cu nos a bira Campeon 3 pa 4 biaha tras di otro e temponan ey. Mi bai a seleccion tambe 11-12 y 12-13 Anja. Aña 1981 mi a seleccion na Mexico little league.
Mi a bira varios biaha Campeon Batter ,Homerun y campeon pitcher. Mi Posicion nan tawata 2b,3b,Outfield,Pitcher eigenlijk tur posicion mi a jega di hunga.(All Around)

Despues mi a bai milita den e Team di Senior League “Kentucky” eynan mi a hunga 3 aña.
Bow maneho di Henry Barrera y Arnold Martinez(nono)
Nos a bira campeon 2 biaha y 1 Subcampeon. Mi a bai seleccion den tur e 3 aña nan ey.
1982 mi a bai Sint Maarten y eynan nos a bira Campeon latino Americano Senior League
1983 Curacao y 1984 St.Criox Virgin Island. Aki den tambe mi a jega di Sali campeon batter ,homerun y campeon pitcher. Posicion:SS,3b,Pitcher y All Around

Despues di Senior (1985) mi bai milita den A-Klas “Rockets Baseball Organization” e tempo ey nos( un paar/grupo di hungadornan amigo cu a caba di Senior y nos a sera Cabez pa bai hunga/ lanta e team bow maneho di Milo Croeze y Rochi Geerman y Manager tawata Johnny Thiel.) Algun nomber ta : Vin Willems,Tico Danies,Darryl Irausquin,Aldrick Farro,Victor Joaquin etc etc. Posicion:SS,3b,Pitcher y All Around

Anja 1986 mi a bai milita den Double AA cu e Team di Marlboro. Eynan mi a hunga te dia cu e Campeonato a para na 1996. Nos a bira campeon 11 biaha consecutivo tras di otro. Mi ta kere esey tawata un di e logronan den mi historia di baseball paso eigenlijk nunca mi/nos a Sali subcampeon of perde un campeonato. (tawata Ami FD,Jimmy,Pierre y Nildo nos tr a subi e mesun aña). Tambe 2 campeonato sin ningun strike-out(ponche) y semper mi tawata tin un bon average den bateo 400 bai ariba den mi aña nan.
Aparte di esey mi a viaja varios biaha cu Seleccion y Marlboro. Durante mi aña nan mi jega di bira Campeon Batter ,Homerun den Double AA
Mi Posicion tawata ShortStop (SS)
1993 World Port Tournament Rotterdam (named Best Hitter) Campeon Batter
Ami a jega di bai Baseball Camp na Baltimore Orioles hunto cu Marlboro.

Un di e Otro logronan pami mas grandi den mi Historia di Baseball ta dia cu mi a bai na 1990 IBA World All-Stars na Atlanta Georga. Esaki ta e the toppunt den Baseball Amateur. Eynan mi a topa cu tur e miho hungadornan di Seleccion di mundo den Baseball Amateur. Tawata un di e momento nan mas grandi,inolvidabel den mi Historia/trayectoria di Baseball. (Danki na tur esnan cu a judami jega eynan (IBA World All-Star Game) DANKI di CURAZON.

- Na 1993 mi a sali basebolista di aña den Double AA (Aruba Sports Award)
- Na 1993 tambe mi a sali Deportista di aña na Aruba. (Aruba Sports Award)
- Mi a wordo reconoci tambe e mesun anja pa Centro di Barrio Tanki Leendert.
- Tambe mi a wordo reconoci pa ASU (Aruba Sport Unie)
- Elogio door “Bo Mundo di Deporte” entre 100 Mihor Basebolistanan di Aruba.
- Y algun otro reconocimentonan mas durante mi trayectoria di baseball.

Algun di mi viajenan cu Team Marlboro y cu Seleccion di Aruba.

- 1987 Pan American USA
- 1991 Pan American Games CUBA
- 1993 World Port Tournament Rotterdam (named Best Hitter) Campeon Batter
- 1995 World Port Tournament Rotterdam
- 1996 Haarlem Baseball
- Campeon cu Seleccion na Guatemala
- Campeon Copa Antillano Curacao (Marlboro)
- Seleccion na Venezuela
- Seleccion na Cuba
Un otro punto cu ta great den mi trayectoria di Baseball ta cu aña pasa 2016 a lanta Baseball liga 40.Dus actualmente mi ta hungando cu mayoria di mi compañero nan di Marlboro tempo cu nos a cuminsa den Marlboro, pero awor bow di e nomber Marlboro Classic.

Mi kier a jama un Danki na e personan cu a sinjami di mucha te cu awor aki.Promer cu tur kos na nos creador Dios cu a dunami e talento pa hunga Baseball/Softball.
- Na mi Mama Lila y Tata Buchi Goi (den feliz memoria) cu semper a sa di coach mi na kas, Ruman Jacky cu nan tawata y ta ainda cumi na mayoria di weganan pa apoyami.
- Na mi Casa Dorina y mi jiunan(Dorainne y Frangeline) cu ta support mi ainda.
- Primonan/Primanan,Omo, Tanta nan,
- Mi 2 Primonan cu Semper nos a lanta ta hunga Baseball/Softball Tico Danies y Vincent Willems
- Na mi coachnan di little league: Den feliz memoria Boysi Croes, Boy y Ina Croes,Henry Barrera , Anthony (nono) Martinez
- A-Klas: Johnny Thiel,Armando Muyale,Directiva di Rockets
- Double AA: Chu Halabi, Caicai Williams,Casildo v/d Biezen, Whitey Williams, Archi Williams,Mario Mai Kransen,Directiva di Marlboro.
- Y TUR (Compañero nan di Team y Seleccion) cu mi por a lubida y cu a judami di un forma of otro den mi Carera/trayectoria di Baseball.
- Tambe na Miembro nan di Prensa (Emisoranan y Corant) pa hasi promoshon y boost nos up como Deportista, sin bosonan fanaticonan,personannan no lo conoci nos deportistanan,kon nan ta perform riba tereno(Field) etc etc.
- Ultimo Danki Na ABBA (Full su Directiva) cu e homenahe aki na mi persona.

Un biaha mas Masha Masha Danki di Curazon.